Homera Ahaidi Ushirikiano

Imetumwa : May 21st, 2021

Mkuu wa Mkoa wa Mbeya Mhe Juma Homera  ameahidi kuendelea kutekeleza yale ambayo mtangulizi wake aliyaanza na kubuni mambo mapya kwa ajili ya kuendeleza Mkoa wa Mbeya 

Mhe Homera ametoa kauli hiyo leo Mei 21, katika halfa fupi ya makabidhiano ya Ofisi yaliyofanyika baina yake na Mkuu wa Mkoa wa Mwanza Mhe Albert Chalamila katika Ukumbi wa Mkapa Jijini Mbeya

Homera ameeleza kuendelea kushirikiana na taasisi zote zilizopo ndani ya Mkoa wa Mbeya na kutegemea kupata ushirikiano kama aliopewa mtangulizi wake

Ameongezea kuwa anatambua Mkoa wa Mbeya una changamoto zake na moja ya changamoto ni ukosefu wa miundombinu lakini ili kufanikisha ameahidi kukutana na wasimamizi kwa lengo la kushauriana na kubuni njia ya kuondokana na matatizo hayo

Aidha, Homera amesema kuwa atahakikisha anakutana na makundi mbalimbali yakiwemo bajaji, daladala, wafanyabiashara na wamachinga kwa lengo la kuhakikisha kila mtu anakuwa na furaha sehemu anayofanyia kazi yake.

Naye Mkuu wa Mkoa wa Mwanza Mhe Albert Chalamila amewashukuru watendaji wote wa Taasisi za Seikali na Binafsi kwa ushirikiano waliompa wakati wa uongozi wake na kuwata kuendelea kutoa ushirikiano huo kwa Mkuu wa Mkoa wa sasa