MKOA WA MBEYA MSHINDI WA TATU KWA UZALISHAJI WA MAZAO YA BIASHARA NA CHAKULA NCHINI

Imetumwa : August 8th, 2023

Mkuu wa Mkoa wa Mbeya Comrade Juma Zuberi Homera Leo August 8 2023 amepokea tuzo kutoka kwa Rais wa Jamhuri ya Muungano wa Tanzania Dkt: Samia Suluhu Hassan kwa kushika nafasi ya tatu katika Uzalishaji wa Mazao ya Chakula na Biashara nchini.

Akiwasoma washindi wa kwanza wapili na wa tatu Waziri wa Kilimo Mh: Husein Bashe amesema mshindi wa Kwanza ni Mkoa wa Ruvuma wa Pili ni Rukwa huku Mbeya ikiwa Mshindi wa Tatu

Hata hivyo Bashe ameitaja Mikoa ya Kigoma na Kagera kuwa ni Mikoa inayokuja kwa Kasi sana na kuitahadharisha Mikoa ya nyanda za Juu kusini kuwa macho La sivyo wataachwa na mikoa hiyo ya Magharibi mwa Tanzania.

Dkt: Samia baada ya kumtunuku tuzo RC Homera na wakuu wa Mikoa wengine ametoa wito kwao kuendelea kujiimarisha katika uzalishaji wa mazao ya Nafaka kwakuwa Tanzania inategemea mazao hayo ya chakula na biashara kiuchumi.