Mkuu wa Mkoa Aagiza Ukaguzi wa Mabasi

Imetumwa : April 10th, 2018

Mkuu wa Mkoa  Amos Makalla Mbeya  ameliagiza Jeshi la polisi kufanya ukaguzi wa mabasi  yanayofanya safari za mikoani na wilayani pamoja na kupima kiwango cha  ulevi ,kukagua leseni halali za udereva ili kuthibiti matukio ya ajali za barabarani.

Makalla, alisema jana   alipokuwa akifungua mkutano wa kusikiliza kero za wananchi katika Halmashauri ya Wilaya ya Chunya  na kwamba kama

Serikali imeshtushwa  na ajali mbaya iliyotokea  katika  Kata ya Mwansekwa  jijini hapa na kusababisha vifo vya watu  nane papo hapo.

"Kwa kweli ni jambo la  kusikitisha wiki moja kuna matukio matatu ya ajali za barabarani  sasa ufike wakati jeshi la polisi kuonyesha makucha kwa kuwachukulia hatua madereva wazembe kwani ajali zote zinatokana na uzembe na ulevi wa madereva wawapo safarini"alisema.

Aidha aliwataka wamiliki wa vyombo vya usafiri kutotoa ajira kwa watu wasiokuwa na sifa  kwa maslahi mapana ya taifa na kunusuru ajali na vifo visivyo vya lazima.

"Changamoto kuna baadhi ya wamiliki wa vyombo vya usafiri wamekuwa wakitoa ajira kwa watu wasiokuwa na sifa kwa kutanguliza maslahi  sasa katika hilo  kama serikali tunaliwekea mkakati wa kukabiliana nalo ili kuwa na madereva walio na sifa "alisema.

Makalla, pia ameonya madereva kutokiuka sheria za usalama barabarani na badala yake watumie busara ya kutambua kuwa wamekuwa wakisafirisha roho za watu kutoka sehemu moja kwenda nyingine

Naye  Mkuu wa Kikosi  cha Usalama Barabarani Mkoa (RTO) Leopord Fungu alisema wameanza kufanya ukaguzi na zoezi bado linaendelea katika vituo vyote vya mabasi.