GSM Yakabidhi Mifuko 140 kwa RC Mbeya

Imetumwa : November 30th, 2018

Kampuni ya GSM kupitia kampuni tanzu ya GS Agro  imemkabidhi Mkuu wa Mkoa wa Mbeya Mhe. Albert Chalamila mifuko 140 ya mbolea kwa ajili ya vikundi  7 vya wanawake kutoka Halmashauri ya Wilaya ya Mbeya.

Akimpokea  mbolea hizo leo ofisini kwake  Mhe. Chalamila  ameishukuru kampuni hiyo na kuwaomba kuendelea kusaidia kwa kadri itakavyoendelea kuguswa katika kusogeza mbele maendeleo ya kiuchumi kwa upana  wake.

Mhe. Chalamila amesema vikundi saba vitakavyonufaika ni  Palishimo, Uhalamsye, Mwawesya, Zinduka, Lwangaje, Wile  na Tashila na ambavyo vitapokea mifuko 10 kwa kila kikundi

Chalamila amesema mkoa umeshaanza mazungumzo na nchi jirani za Congo na Zambia kwa ajili kutafuta masoko ya mazao na hivyo kuwataka wakulima hao kutumia mbolea waliopewa msaada.

Mhe. Chalamila amesema amewaomba GSM waje kuwekeza katika ujenzi  wa viwanda vya magodoro na misumari vitakavyoweza kuongeza ajira  na mapato kwa Mkoa wa Mbeya.

Bibi Marieta Ben Mwakilishi wa kina mama ameishukuru Mkuu wa Mkoa  kwa kuweza  kiwaombea mpaka kampuni ikakubali kuwasidia kupata mbolea hiyo na kusema itawapunguzi  tatizo la kuwa magolikipa katika ndoa zao kwa sababu sasa wana uwezo wa kujitegemea.

Akikabidhi mbolea hizo Afisa Uhusiano na Mawasiliano wa kampuni ya GSM Bw.  Martina Nkuru  ametoa pongezi kwa Mkuu wa Mkoa  na kusema kuwa hizo ni jitihada zake alizozifanya kwa ajili ya wananchi wake na kampuni mpaka  ikaona umuhimu  wa kusaidia katika harakati zake za kuinua uchumi wa Mbeya.

Bw. Nkuru amesema kuwa kampuni  imeanza kwa kuwasidia wakina mama wa vikundi vinavyojishughulisha na kilimo kama mwanzo wa kuanza kujenga mahusiano mazuri na Serikali  na  kuomba makampuni mengine kuendelea kuiga mfano wao.

Nkuru amesema kuwa kampuni itaendelea kutoa misaada mingine hasa katika masuala ya uwekezaji wa viwanda.