MAAFISA MAENDELEO YA JAMII WAHIMIZWA KUTUMIA MFUMO WA IMES

Imetumwa : April 29th, 2025

Katibu Tawala Msaidizi Idara ya Mipango na Uratibu Noah Sikwese amewaelekeza Maafisa Maendeleo ya Jamii kuhakikisha wanajifunza na kuufahamu Mfumo wa IMES utakaotumika kwaajiri ya uwasilishaji wa Taarifa za Sekta ya Maendeleo ya Jamii.

Sikwese amewaambia Maafisa hao kuwa mara baada ya Mafunzo nao watatakiwa kwenda Kutoa Elimu kwa Maafisa Maendeleo ya Jamii ngazi ya Halmashauri na Kata hivyo ni Vema wakatilia mkazo katika kujifunza ili watoapo Elimu ikawe ya Ukweli na Uhakika na yenye kuleta Mafanikio katika Jamii.

Ameyasema hayo Leo April 29,2025 wakati akifungua Kikao Kazi Cha Maafisa Maendeleo ya Jamii kilichofanyika Ofisi ya Mkuu wa Mkoa wa Mbeya.

Aidha amewataka washiriki wa Kikao kuhakikisha wanainviza takwimu Sahihi kwenye Mfumo kwakuwa ndizo zinazousaidia Mkoa na Halmashauri kupanga Mipango na bajeti.

Kabla ya kuhitimisha Hotuba yake Sikwese akawataka washiriki kutekeleza Majukumu Yao kwa Mujibu wa Mwongozo wa Utekelezaji wa Majukumu ya Wataalamu wa Maendeleo ya Jamii.