Madiwani Watakiwa Kubuni Vyanzo Vipya vya Mapato

Imetumwa : August 24th, 2017

Mkuu wa Mkoa wa Mbeya amewataka Madiwani wa Halmashauri ya Kyela kubuni vyanzo vipya vya mapato na kuboresha vyanzo vilivyopo ili kuwezesha Halmashauri kuweza kuongeza uwezo wa kujitegemea kwa mapato ya ndani ya halmashauri

Mhe. Amos Makalla ameyasema leo alipofanya kikao maalumu cha Baraza la Madiwani wa Halmashauri YA Kyela kujadili ripoti ya CAG mwaka wa fedha 2015/16

Mhe. Makalla amewataka pia  Waheshimiwa Madiwani kutenga maeneo YA uwekezaji kwa ajili YA viwanda vidogo, kati na vikubwa kufanya hivyo kutaongeza Mapato YA halmashauri na serikali kuu

Amewaeleza madiwani kuhamasisha wakulima kuongeza uzalishali wa mpunga na wajasiriamali  kuongeza thamani mchele na  mchele wa kyela katika vifungaishio vizuri kufanya hivyo kutaongeza soko na kkuongeza mapato kwa Halmashauri.

Aidha, Mkuu wa Mkoa amewataka Madiwani kuendelea kuwaunganisha wakulima kwenye vyama cha ushirika ili wakulima waweze  kunufaika na kilimo  cha na Halmashauri iweze  kuongeza mapato.

Amesema halmashauri ikiboresha mapato itasaidia halmashauri kutoa huduma za jamii  kwa wananchi ikiwemo afya, elimu, Maji nk na  pia kiwango cha mikopo kwa vikundi vya vijana na wanawake itaongezeka

Mhe. Makalla amesema kuwa ukusanyaji  wa mapato ya ndani lazima uendane na nidhamu ya matumizi ya fedha kwa hiyo ni jukumu  la Baraza la Madiwani kusimamia na kuhakikisha kuwa mapato yote yanayokusanywa katika vyanzo vya ndani yanatumika ipasavyo.

Ufuatiliaji wa mara  kwa mara ufanyike ili kuhakikisha miradi ya maendeleo  inatekelezwa na lazima Waheshimiwa Madiwani utaratibu wa kukagua miradi hiyo inayotekelezwa na Halmashauri kupitia kamati  zako.