Makalla awataka Wananchi Kufanya Shughuli za Maendeleo

Imetumwa : December 30th, 2017

Mkuu wa Mkoa wa Mbeya Mhe. Amos  Makalla  amewataka wananchi wa Kata ya Iyela  kuacha Siasa ili waweze kupeleka maendeleo ya ujenzi wa madarasa katika Kata zao.

Mhe. Makalla ameyasema hayo alipokuwa akikabidhi mifuko 100 ya sementi  shule ya msingi Iyela kwa ajili ya ujenzi wa madarasa.

Mhe  Makalla amewataka wazazi  kuwa na ushirikiano na Serikali ili kuweza kumaliza tatizo la upungufu wa madarasa  katika shule za Msingi na Sekondari Mkoani Mbeya.

Amesema kuwa viongozi wa Kata kuacha urasimu wa matumizi ya mifuko ya simenti na kuhakikisha inatumiwa  ipasavyo kwa matumizi yalioainishwa.

Mdau wa Elimu Mkoa wa Mbeya Be. Ndele Mwaselela ameahidi kutoa mabati  kwa ajili ya madarasa mawili  na matofali 1000 kwa ajili ya kuendekeza ujenzi wa madarasa katika Shule  ya Msingi  Iyela.

Bw. Mwaselela amewaomba wananchi kuendelea kuchangia mchango wa ujenzi wa shule na kuahidi kuendesha zoezi la uchangishaji katika kata hiyo.

Aidha, Bw. Mwaselela amemahidi Mhe. Makalla ushirikiano wa kutosha kutoka kwa wadau wa elimu Mkoa wa Mbeya pale changamoto za masuala ya elimu yatakapojitokeza.