Mkuu wa Mkoa Azuia Safari za Watendaji Halmashauri

Imetumwa : August 25th, 2017

Mkuu wa Mkoa wa Mbeya Mhe. Amos Makalla amezuia safari zote za Watendaji wa Halmashauri Mkoa wa Mbeya mpaka pale watakapomaliza kuanza mpango kazi wa Vipaumbele  vya Mkoa.

Mhe. Makalla ametoa katazo  hilo hii leo alipokua anafungua kikao cha Baraza Maalumu la kubadili hoja  za CAG Halmashauri ya Rungwe.

Mhe. Mkuu wa Mkoa amesema kuwa amekataa kutoa kibali cha Watendaji kutoka nje ya Mkoa wa Mbeya baada ya kuona maagizo aliyoyatoa hayatekelezwi na amesema ruhusa zitatolewa baada ya watendaji  hao kuwasilisha mipango hiyo. 

Akizungumza na Baraza la Madiwani Mhe. Makalla amesema kila Halmashauri unatakiwa kutenga  maeneo kwa ajili ya viwanda kidogo, vya kati  na viwanda vikubwa ili yatangazwe kwa ajili ya kuvutia  wawekezaji.

"Kila Halmashauri inatakiwa kuchagua mazao ambayo yataitambulisha kwa ajili ya Kujenga viwanda vya mazao hayo ili kuweza  kuwawezesha  wakulima  kunufaika na kazi  zao". Mhe. Makalla

Mhe. Mkuu wa Mkoa amewataka piakuwashirikisha Madiwani wakati wa kuandaa  maeneo ya uwekezaji kwa ajili ya viwanda vidogo, kati na vikubwa.

Aidha,  amewataka Waheshimiwa Madiwani kuhamasisha wakulima kuongeza uzalishali Viazi, Ndizi, Maparachichi, Chai, Maziwa na wajasiriamali  kuongeza thamani ya bidhaa zao na kufunga katika vifungaishio vizuri kufanya hivyo kutaongeza soko na mapato ya Halmashauri.