RAS MBEYA AONYA UTUMIKISHWAJI WA WATOTO KWENYE MASHAMBA YA TUMBAKU

Imetumwa : September 25th, 2024

Katibu Tawala mkoa wa Mbeya Ndugu Rodrick Mpogolo amelipongeza shirika lisilo lakiserikali la ESLT FOUNDATION linalojihusisha na upingaji wa utumikishwaji wa watoto  ambapo mpogolo amelipongeza kwa jitihada zinazo fanywa na shirika hilo katika mikoa mbalimbali nchini  ikiwemo Mbeya, Tabora na Songwe

Pongezi hizo zimetolewa wakati wa ufunguzi wa kikao cha wadau na wakuu wa Taasisi mbalimbali Chenye lengo  la kufanya tathimini ya utumikishwaji wa watotokatika mikoa hiyo

Aidha Meneja wa mradi wa Prosper - Reset  Fredi Malaso ameeleza namna wanavyoweza kutekeleza mradi huo kwa udhamini wa shirika la ESLT FOUNDATION  ambapo amesema lengo la mradi huo ni kupinga utumikishwaji wa watoto katika mashamba ya tumbaku ili watoto waweze kupata haki yao ya msingi ya kutimiza ndoto zao hasa katika Elimu.

Baadhi ya washiriki wa kikao hicho akiwemo Afisa kazi mfawidhi mkoa wa Songwe Eva Lugendo amesema baadhi ya watoto yamekuwa wakitumikishwa katika machimbo ya madini hali ambayo ni kinyume na sheria huku Bonifas Gatyo Afisa ustawi wa jamii halmashauri ya wilaya ya kaliua Tabora amewahamasisha wazazi na walezi kuwalinda watoto na kuwasaidia ili waweze kutimiza ndoto zao