Rc HOMERA AACHA ALAMA ISIYOFUTIKA KKKT DAYOSISI YA KONDE

Imetumwa : October 29th, 2023

Zaidi Shilingi Milioni 414 za Kitanzania zimechangwa kwenye Harambee iliyoongozwa na Comrade Juma Zuberi Homera Mkuu wa Mkoa wa Mbeya kwaajiri ya Ujenzi wa Ofisi za Kanisa la Kiinjili la Kirutheri Tanzania(KKKT) Dayosisi ya Konde

Harambee hiyo imefanyika leo Oktoba 29 2023 Makao Makuu ya Dayosisi hiyo Wilayani Rungwe Tukuyu ambapo Comrade Homera akiwa Mgeni Rasmi na muongoza Harambee ambapo amelifanya jambo hilo kwa Ukubwa na kuisababishia Matokeo Chanya na Mafanikio Makubwa KKKT Konde.

Kiasi hicho Cha Fedha kimechangwa na Washirika wa Kanisa hilo kwa Kishirikiana na Wadau wa Maendeleo ambapo  Ahadi zimepatikana zaidi ya Sh: Milioni 388, Cash zaidi ya Milioni 26 hivyo kukamilisha hesabu ya Zaidi ya Milioni 414 Njee ya Mifuko 150 ya Saruji, Trip 2 za Kokoto na Trip 5 za Mchanga ambazo pia zimechangwa.

Askofu wa Dayosisi ya Konde Geoffrey Mwakihaba amemshukuru RC Homera kwa Kazi kubwa aliyoifanya huku Shukrani za kipekee akizielekeza kwa Dkt: Samia Suluhu Hassan Rais wa Jamhuri ya Muungano wa Tanzania kwa kuendelea kudumisha Amani ya Nchi hasa katika maswala ya Kidini na Kiimani.

Mwakihaba amesema Kanisa la KKKT Dayosisi ya Konde litaendelea Kumuombea Dkt: Samia Suluhu Hassan na Kutoa ushirikiano wa Dhati kwa Serikali nzima ya Tanzania.