VETA Mbeya Watakiwa Kuongeza Idadi ya Vyuo vya Ufundi

Imetumwa : June 11th, 2019

Mkuu wa Mbeya Mhe. Albert Chalamila  ameutaka Uongozi wa Chuo cha VETA Kanda kuangalia namna watakavyoweza kuongeza idadi ya vyuo vya ufundi  sehemu nyingine kwa sababu mahitaji yake ni makubwa sana hasa katika kuelekea uchumi

Mhe. Chalamila ameongea  hayo leo kwenye ziara ya kukagua na kuongea na watumishi wa chuo  hicho  na kuwataka kuendelea kuwa  na mpango wa kuhakikisha kila fundi aliyeko mtaani amepitia mafunzo katika chuo hicho.

" Nina mpango kabla ya mwaka 2020 kuanzisha mfumo utakaohakikisha fundi yeyote aliyepo katika Mkoa wa Mbeya ana  Cheti cha VETA kwa  kozi za muda  mfupi  na  Chuo pia muangalie jinsi ya kupunguza ada ili iwe rafiki kwa vijana wote kuweza kulipa". Mhe. Chalamila

Aidha, Mhe Mkuu wa Mkoa amekitaka  Chuo cha VETA kuwa na mahusiano mazuri na vyuo binafsi vya ufundi na lazima  wawe wadhibiti ubora wa taaluma  wa vyuo hivyo

Akisoma taarifa ya Chuo hicho Mkuu wa Chuo Cha VETA  Mbeya Mhandisi Hasan Kalima amesema kuwa chuo hicho kinatoa kozi mbalimbali za muda mfupi na muda mrefu ambazo zimeweza kutoa fursa  kwa watu wengi kupata mafunzo ya ufundi stadi na kuweza kujiajiri

Mhandisi Kalima amesema wahitimu wa mafunzo ya kozi za muda mfupi kwa muda wa miaka mitano iliyopita imefikia 7,500 katika yao Wanaume 6,000 na Wanawake 1,500 kutokana uhitaji mkubwa uliopo sasa hasa katika elimu ya ujasiriamali

" Chuo kimeweza kujenga  Green House kama shamba darasa ili jamii inayotuzunguka iweze kujifunza namna ya kujenga na kutumia kilimo  hiki  kwa kustawisha mazao mbalimbali". Mhandisi Kalima

Aidha Kalima amemshukuru Mkuu wa Mkoa kwa kuweza kukitembelea chuo hicho kujionea shughuli za mafunzo na huduma  wanazozifanya na kutoa ushauri wa kuboresha