Wafugaji Watakiwa Kuvuna Mifugo yao

Imetumwa : March 6th, 2020

Wafugaji halmashauri ya Wilaya ya Mbarali watakiwa kuvuna mazao ya mifugo na kujishughulisha na shughuli zingine za kiuchumi kama kuanzisha viwanda vya mazao ya mifugo ili kuondokana na ukosefu wa maeneo ya malisho

Hayo yametolewa na timu za wataalamu wa elimu ya uhifadhi na ujirani mwema kwa  wananchi wa Mbarali

Afisa Mifugo wa  Mkoa wa Mbeya Ndugu Samora  Mshang'a amebaini kuwa Wafugaji wanakuwa na changamoto mbalimbali kama uhaba wa maeneo ya kufugia,ukosefu wa elimu ya ufugaji sheria na miongozo mbalimbali, kutokujua haki za mifugo  yao na ukosefu wa masoko ya mazao yao.

"unatakiwa kufuga kwa kujipatia faida na kufuga kwa tija ili kupata maarifa mapya Watumie mifugo yao kwa kujiendeleza kiuchumi na kufuga kwa faida" Mshang'a

Bw Mshang'a amebaini njia Mbalimbali zinazoweza kuwasaidia wafugaji  pamoja na kuandaa maeneo ya ufugaji na maeneo ya malisho, kupata maeneo ya maji, kudhibiti magonjwa yanayoweza kudhuru mifugo

Daniel Kamwela Afisa Kilimo na Mifugo Halmashauri ya Mbaralia amewataka wafugaji kutenga maeneo ya kulishia mifugo na kuboresha maeneo ya malisho ambayo tayari halmashauri ya wilaya iliyatenga kwa ajili malisho

Aidha Bw Kamwela amewashauri wafugaji kuanza kuvuna mifugo ili iwanufaishe na kuwekeza mahali mengine na kuanza kufuga mifugo iliyo bora .

"Ni wakati wa  kuanza kuandaa mpango wa matumizi bora ya ardhi katika vijiji na kuanza kuzuia uingizaji wa mifugo mipya katika vijiji vyao " Kamwela