Baraza la Biashara Mkoa Latakiwa Kuwa Kiungo Kati ya Sekta za Umma na Binafsi

Imetumwa : May 28th, 2019

Serikali imelitaka baraza la biashara Mkoa wa Mbeya kuanza majadiliano ya pamoja kati ya sekta binafsi na serikali kuhusu masuala ya uwekezaji.

Kauli hiyo imetolewa na Mkuu wa Mkoa wa Mbeya Mh Albert Chalamila wakati akizingumza na wajumbe baraza jipya la biashara Mkoani Mbeya .

Amesema lazima kuwepo na majadiliano ambayo yatawezesha wawekezaji wa ndani na nje ili kufahamu sera na vikwazo Mbalimbali katika hatua za uwekezaji.

“Kati ya sekta binafsi na sekta za umma inapotokea tunafanya kazi kwa pamoja kwa njia ya majadiliano kunauwezekano mkubwa tukajadili changamoto mbalimbali ambazo zimekuwa kikwazo kwa wawekezaji hasa masuala ya tozo na kodi “Amesema

Ameeleza kuwa sekta binafsi inaweza kuwa na mchango kubwa kwa kuishauri serikali juu ya mazingira bora ya uwekezaji.

“Serikali ikiwa imenyamaza na kutumia mabavu  katika kuendesha manaake itabidi sasa wasiwe wawekezaji wala wafanyabiashara “Amesema Mkuu wa Mkoa .

Aidha Chalamila amelitaka baraza hilo kuandaa na kutoa taarifa kwa wawekezaji kuhusu fursa za uwekezaji zilizopo katika Mkoa wa mbeya .

Kwa upande wake Mwenyekiti wa Chama Cha wenye viwanda na Kilimo Tanzania (TCCIA) Mkoa wa Mbeya Dkt . Lwitiko Mwakalukwa amesema baraza la biashara ni muhimu zaidi kuwepo hasa katika Maendeleo ya biashara na uwekezaji Nchini.