HJF Medical Research International Provide Medical Equipment for 5 Regions of Southern Highlands

Imetumwa : March 21st, 2017

PEPFAR (Partnering Achieve Epidemic Control in Tanzania) kupitia Shirika la Henry Jackson Medical Research International (HJFMRI) wamekabidhi vifaa vya minyororo baridi vyenye thamani ya sh. 266,195,970 sawa na Dola za Kimarekani 121,215 kwa ajili kusaidia kutunza sampuli za na kufikisha maabara zikiwa bado na ubora unaotakiwa na baadae kupata majibu yaliyo sahihi.

Akipokea vifaa hivyo Katibu Tawala Msaidizi Mamlaka ya Serikali za Mitaa kwa niaba ya Katibu Tawala wa Mkoa Bw. Constantine Mushi amewashukuru PEPFAR kupitia Shirika la HJFMRI kwa kazi kubwa wanayofanya katika Mikoa ya Mbeya, Songwe, Ruvuma, Rukwa na Katavi kwa takribani miaka 13.

Bw. Mushi amesema kuwa Serikali chini ya Wizara ya Afya na Ustawi wa Jamii, Jinsia, Wazee na Watoto ilianzisha utaratibu wa kupima wingi wa VVU katika damu kwa wateja wanaotumia dawa za kufubaza virusi vya UKIMWI ikiwa ni sehemu ya Mkakati wakuzuia Maambukizi ya VVU na kuboresha huduma za  UKIMWI.

“ Katika shughuli ya kupambana na maambukizi ya VVU baadhi ya Hospitali  na Vituo vya Afya vimechaguliwa kama vituo vya kukusanyia sampuli  za damu kutoka vituo vidogo kwa hiyo vifaa hivi vimekuja wakati muafaka kuwezesha Hospitali na Vituo vya Afya kupokea sampuli zikiwa salama na zenye ubora kwa ajili ya kupima wingi wa VVU”.

Bw. Mushi amewaagiza Waganga Wakuu wa  Mikoa na Wilaya kuendelea kuhamasisha jamii kujitolea kupima Afya zao na kwa wale wote walio katika dawa za kufubaza VVU kupimwa wingi wa virusi ili kuweza kuwa na jamii isiyo na maambukizi.

Naye Mganga Mkuu wa Mkoa amewataka Waganga Wakuu wa Wilayakutunza na kusimamia vifaa hivyo na kuhakikisha vinafika  hospitali zao kwa ajili ya matumizi husika na hivyo, Aidha amewataka Waganga wakuu wa Wilaya kutenga bajeti kila mwaka kwa ajili ya kufanyia matengenezo vifaa hivyo kwa wakati.

PEPFAR (Partnering Achieve Epidemic Control in Tanzania) kupitia Shirika la Henry Jackson Medical Research International (HJFMRI)umekabidhi Majokofu93, Centrifuge mashine 40 naMajokofu madogo ya kubebeba sampuli 40 kwa Mikoa ya Mbeya, Rukwa, Ruvuma, Songwe na Katavi