Mbeya Vinara Mchezo wa Mpira wa Miguu UMISETA NA UMITASHUMTA

Imetumwa : August 24th, 2022

Mkuu wa Mkoa wa Mbeya Mh. Juma Homera hii leo amekabidhiwa tuzo sita kwa Wanafunzi wanamichezo kutoka shule mbalimbali (Msingi na Mekondari) mara baada ya kurudi kutoka Tabora ambapo walishiriki mashindano ya UMISETA na UMITASHUMTA na kuibuka washindi katika nyanja mbalimbali.

Homera amepokea tuzo hizo na kuwapongeza kwa kufanya vizuri katika mashindano hayo na kubainisha wazi furaha aliyonayo hasa baada ya vijana hao kushika nafasi ya kwanza kitaifa katika mchezo wa mpira wa miguu.

Aidha Homera amewataka wanafunzi hao kujiandaa vizuri katika mashindano ya Afrika Mashariki ambayo yatafanyika Mkoani Arusha nafasi ambayo wameipata baada ya kuibuka washindi katika michezo mitatu tofauti.