Mkuu wa Mkoa wa Mbeya Ataka Viongozi Kuacha Ubabaishaji

Imetumwa : June 12th, 2019

Na Godfrey Kahango                                                                        

Mkuu wa Mkoa wa Mbeya Mhe Albert Chalamila amesema viongozi waliopewa dhamana kuisimamia Serikali wakiacha ubabaishaji na kuendekeza rushwa na ufisadi, dhamira ya Rais John Magufuli kuwa Paris huduma nzuri wananchi itafanikiwa.

Mhe Chalamila ametoa kauli hiyo leo Jumatano Juni 12, 2019 baada ya kukagua ujenzi wa Hospitali ya Wilaya ya Mbeya inayojengwa eneo la Inyala huku akiridhishwa na kazi ya Ujenzi huo uliogharimu sh. 1.5 bilioni.                                                               

“Magufuli ana dhamira nzuri na kubwa kwa Watanzania. Lakini niseme sisi viongozi aliotuamini tukiwa ‘wasabi’ katika kutekeleza maazimio yake hatutamuwakilisha vizuri”. 

“Lakini tukiacha ‘usanii’ na kuweka kando ufisadi na rushwa tutamwakilisha vyema katika kuwahudumia wananchi wetu ,” Amesema Mhe Chalamila 

Amebainisha Ujenzi wa hospitali tatu za Halmashauri ya Mbarali, Busokelo na Mbeya pamoja na Vituo vya Afya 14 utagharimuzaidi ya sh. bilioni 11.2, kubainisha kuwa unaendana na a hizo la Serikali kutaka hospitali zote ziwe zimekamilika kabla ya Juni 30, 2019 

Mkurugenzi Mtendaji Halmashauri ya Wilaya ya Mbeya, Steven Katembo amesema kiasi hi hicho cha fedha kimetumika kujenga majengo saba ya hospitali hiyo lakini sh milioni 60 zilitolewa na halmashauri yake zitajenga majengo mengine mawili ambayo ni nyumba za watumishi. 

Mkuu wa Wilaya ya Mbeya, Paul Ntinika amesema kukamilika na kuanza kutumika kwa hospitali hiyo kutakuwa msaada kwa zaidi ya wananchi wa maeneo  hayo na maeneo ya Jirani.