Nanenane mwaka huu itakuwa tofauti na miaka mingine - Rc Homera

Imetumwa : May 10th, 2022

Mkuu wa Mkoa wa Mbeya Mh. Juma Zuberi Homera ameongoza leo kikao cha Wakuu wa mikoa wa Nyanda za juu kusini kilichokuwa na lengo la kujadili maandalizi ya sherehe za sikuu ya wakulima (Nane nane).

Katika kikao hicho ambacho Homera alikuwa Mwenyekiti kilishirikisha pia Wakuu wa Wilaya, Makatibu Tawala Mikoa na Wilaya na wakuu wa Taasisi mbalimbali za serikali.

Homera amesema Nanenane ya mwaka huu itakuwa tofauti na miaka mingine na amewataka viongozi wenzake kuhamasisha wakulima na wafugaji kujitokeza kuanzia ngazi ya kata, wilaya mpaka Mkoa kwakuwa awamu hii watawagusa moja kwa moja.

Aidha ameweka bayana Namna ambavyo mikoa ya Nyanda za juu kusini imekuwa na mchango mkubwa katika Nchi hasa kwa upande wa Chakula.