RAIS SAMIA ATATUA KILIO CHA MWANAFUNZI MWENYE ULEMAVU KYELA SEKONDARI

Imetumwa : March 1st, 2022

Rais wa Jamhuri ya Mungano wa Tanzania Mh. Samia Suluhu Hassan amemnunulia baiskeli ya kutembelea mwanafunzi wa kidato cha kwanza katika shule ya Sekondari Kyela Dominick Paul ambaye ni mlemavu wa miguu.

Akizungumza wakati wa kukabidhi baiskeli hiyo kwa Niaba ya Rais Samia, Mkuu wa Wilaya ya Kyela Ismail Mlawa amesema Rais kampatia mwanafunzi huyo baiskeli baada ya kupata taarifa kutoka kwa wasaidizi wake waliomuona wakati wa ukaguzi wa utekelezaji wa miradi ya fedha za uviko

Dominick Paul ni mwanafunzi wa kidato cha kwanza katika shule ya Sekondari Kyela, iliyopo Wilaya ya Kyela Mkoa wa Mbeya, ambaye amepata neema ya kufikiwa na mchango wa Rais wa jamhuri ya Mungano wa Tanzania Samia Suluhu Hassan kwa kupatiwa baiskeli ya kutembelea ambayo itamsaidia kurahisisha usafiri kwake

Kwa upande wake Mwanafunzi Dominick Paul, amemshukuru Rais Samia Suluhu kwa kumpatia baiskeli hiyo na kuahidi kuongeza bidii katika masomo yake ili kuweza kutimiza ndoto zake za kuwa Mhandisi.