RC HOMERA -"WATAALAM KAMILISHENI HATUA ZA MWISHO ZA MAANDALIZI YA NANE NANE"

Imetumwa : July 20th, 2023

Washiriki mbalimbali wakati wa Kikao cha Maandalizi ya Maonyesho ya Kimataifa ya sherehe za Wakulima Nane nane kilichofanyika leo katika Ukumbi wa JKT Jijini Mbeya na kuhudhuliwa na wajumbe mbalimbali kutoka mikoa ya Nyanda za juu Kusini na wajumbe kutoka wizara ya Kilimo.

Katika Kikao hicho Mwenyekiti wa Kamati Mh. Juma Homera amesema maandalizi yanaenda vyema na amewataka wataalamu kukamilisha hatua nyingine za mwisho za maandalizi kwa wakati.

Ikumbukwe Maonyesho ya Nane nane mwaka huu yatakuwa ya Kimataifa na yatafunguliwa na Makamu wa Rais wa  Jamhuri ya Muungano wa Tanzania Mh. Dkt. Philip Mpango, na siku ya Kilele yatafungwa na Rais wa Jamhuri ya Muungano wa Tanzania Mh. Dkt Samia Suluh Hassan.